Friends of the Foundation ta personanan cu ta yuda nos fundacion cu entre otro trabou voluntario y tambe donacion. Abo ta desea di bira un Friend of the Foundation? Tuma contacto cu nos via info@mihigra.com of yena e formulario aki.
“Friends of the Foundation”
Roy Mezas
Desde inicio di e idea pa lanta un fundacion, Sr. Mezas a sa di guia y conseha tur esnan envolvi pa asina logra e meta di eventualmente duna bida na Lever Stichting Aruba. Ainda Sr. Mezas ta activo asistiendo e board di nos fundacion cu diferente conseho y idea pa asina nos por sigui desaroya e fundacion.
Monica Brinkenberg
Monica ta forma parti di e comicion di Desaroyo Organisatorio di e fundacion. Cu su experiencia Monica ta yuda Lever Stichting Aruba voluntariamente pa desaroya proceduranan y tambe asisti cu e parti legal y financiero di e fundacion. Banda di e bida activo di Monica, e ta tuma tempo pa dedica yen di animo na Lever Stichting Aruba.
Lisi Werleman-Paris
Lisi ta miembro di nos comicion di PR y Marketing. Despues di a experiencia di serca locual su Omo a pasa aden pa cu problema di higra, Lisi no a pensa dos biaha pa ofrece su ayudo ora Lever Stichting Aruba a wordo funda. Maestra di profesion cu specialisacion den Guia Interno, Lisi ta un otro voluntario valioso di Lever Stichting Aruba.